Home » زوار بودكاست | تجربة محمد مرسي في التسويق بالعمولة
أدوات واستراتيجيات

زوار بودكاست | تجربة محمد مرسي في التسويق بالعمولة

زوار بودكاست

أهلا بيكم فى أولى حلقات زوار بودكاست، البودكاست اللى بنستضيف فيه مسوقين بالعمولة، عشان يشاركونا تجاربهم فى المجال.

وضيفنا الأول هو محمد مرسي مسئول Head of Media buying في شركة Suefy Ads.

تقدر تسمع البودكاست على قناتنا على اليوتيوب من هنا

ملخص اول حلقة من زوار بودكاست

1- احكيلنا تجربتك مع التسويق بالعمولة وازاى بدأت فيه!

بدايتى فى المجال كانت 2017، كنت أول مرة أسمع مصطلح التسويق بالعمولة، واد ايه هو مجال مربح جدا، وكنت حابب أبدا فيه.
واخدت كورس فى 2018 فى القاهرة عن المجال، وكنت بسافر كل يوم جمعة عشان الكورس.
وكان الحافز ليا ان التسويق بالعمولة يعتبر بيزنس ثابت ليك لو اتعلمته صح.

بعد فترة بدأت اطبق اللى بتعلمه فى الكورس وكنت مجهز ميزانية خاصة للاعلانات المدفوعة، وبدأت أتابع مدونات ومنتديات متخصصة فى المجال.
وخاصة ال case studies المختلفة اللى بتتعرض فى المدونات دى، لانها بتعلمك كتير جدا، وبتشوف تجربة شخص لحد ما وصل لأول ربح له.

كان اول تحدي ليا انى اعمل setup للكامبين على أداة التتبع، وهنا بنصح الشباب انهم يقروا ال documentation الخاصة بكل أداة،
بدل ما يتعب نفسه ويدور على اليوتيوب وجوجل.

2- ازاى الشباب يبدأ رحلته كمسوق بالعمولة؟

الاول لازم الشخص يدرك ان فى حاجة اسمها hit and run وفى حاجة اسمها بيزنس ثابت.
البيزنس الثابت مش بيجي غير لما تكتسب خبرة، وتجرب وتخسر وتتعلم.

وفى اكتر من حاجة لازم تركز عليهم لو عايز تبنى بيزنس ثابت من التسويق بالعمولة:

  • العقلية الصحيحة والتعلم المستمر لأن المجال في كل يوم جديد
  • ركز مع الارقام والاحصائيات
  • الابداع
  • التخصص في جزئية معينة لأن المجال واسع جدا

3- هل تنصح الشخص يبدأ لوحده ولا مع فريق؟

نظريا ينفع الشخص ينفع لوحده اكيد، ولكن عملياً الناس بتتعامل مع موضوع الربح من الانترنت كحاجة ثانوية أو سهلة،
بالرغم ان فيه شركات وبيزنس قائم على الموضوع ده.

وعشان كدة بفضل يكون في فريق بس يكونوا ملتزمين ومتحمسين، ويوزعوا الشغل والمعرفة والميزانية ما بينهم، ده بيسهل الموضوع.

4- ايه الميزانية المتوسطة اللى ترشحها للشخص عشان يبدأ بيها؟

خلينا نتفق ان المجال ده عالمي وشغال فيه ناس من العالم كله، وبالتالى ممكن 500$ بالنسبة لنا تكون رقم كبير، بس بالنسبة ليهم رقم بسيط.
ولكن نصيحتى في البداية حاول تشتغل على الاورجانيك، بطريقة او باخرى، عشان تبنى منها ميزانية ولو مبدئية تبدأ بيها

ولكن بشكل عام فى ناس رشحت 500$ وناس تاني رشحت 1000$. ولكن الأهم دائما هو قدرتك على ادراة الميزانية دى مهما كانت.

5- الخطوات الاساسية للبدء كمسوق بالعمولة؟

  • اول خطوة عشان تبدأ صح هى انك تتعلم من أفضل المصادر.
  • ثانيا تبني شبكة علاقات قوية وانضم للمنتديات الكبيرة.
  • طبق وجرب عشان تكتسب خبرة.
  • الصبر وعدم الاستعجال.

ايه رايك فى التسويق بالعمولة من خلال سوق او جوميا وغيرهم

كويسة كتجربة هتعلم الشخص بشكل عملي وياخد خبرة فى المجال.

6- برامج التسويق بالعمولة اللى ترشحها للمبتدئين؟

  • Maxbounty
  • Clickdealer
  • Arabyads
  • Arabclicks

7- أهم المصادر اللى لتعلم التسويق بالعمولة من وجهة نظرك

وده كان ملخص اول حلقة فى زوار بودكاست مع محمد مرسي..
احصل على دليلك لتعلم التسويق بالعمولة مجانا من هنا: رابط المسار

عن الكاتب

Ahmed Omar

Content Creator & SEO & Digital Marketing Specialist.